كلام شباب وبس من الماجيك الى شباب المنتدى

قاموس الروشنة للشباب المدحرج ((قاموس ميفوتكش روش طحن ))






استمورننج
لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى "
(2) الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس
(3) أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن
(4) أديها جاز
عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر
(5) أختفى شوية
أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك
(6) أيه النظام
عبارة بمعنى أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال
(7) أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة
( another stone
وتعنى بالروشنة " حجر أخر لشاربى الشيشة على المقاهى "
(9) أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح
(10) إتم
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب
(11) أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط
(12) إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق
(13) أتوبيس راجع بضهره
عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "
(14) أعلمه
وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "
(15) أنش
لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل
(16) أملئ التنك
عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام
(17) أمبلايز
مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة
(18) أشاعاتى
الشخص القادر علي اصدار

تشكرااااااااا يا ماجيك
واحسن حاجة
اديها جاز

موضوعك حلو اوى بس انا عاوز اقولكم حاجة هيا قصة من معجزات الله سبحانة وتعالى القصة اهى
كان فى ام وزوجها متوفى وكان معاها بنت عمر 6سنين والام دى كانت حامل فى ولد والولد دة لما اتولد الام ماتت وخالهم اخد البنت والولد يربيهم معاه هوا واولادة ومراتة بس مراتة قالتله هما مش هاينفعوا يعيشوا معانا دة المرتب بتاعك على ادينا فجت مرة والخال اخد الاولاد وراح بيهم المقابر عند ام العيال ففتح القبر ووضع الاولاد فى القبر فقالت لة البنت لو اخويا عيط يا خالى اعمل اية فعطاها شخشيخة وقالة لة ابقى العبى لة بيها وهايسكت فاغلق القبر وفى ثانى يوم كان هناك رجل يمر من جنب القبر فسمع صوت الشخشيخة فخاف وجرى وجاء ثالث يوم ومر من جنب القبر وسمع الشخشيخة للمرة الثانية وجرى تانى وفضل على كدة لمدة 15 يوم مر ويخاف ويجرى فعرض الموضوع على الناس اللى هناك وجائوا وفتحوا القبر ونظروا بالداخل ووجدوا بنت وولد فقالوا لمهم الناس من الذى وضعكم هنا فقالت البنت خالى فقال لها الناس وكيف كونتم تاكلون فقالت لهم لما اخويا كان يعيط كانت ماما تقوم ترضعة وتنام تانى زى ما كان وقالها الناس وانتى كونتى بتاكلي ازاى فقالت لمهم كان فى عموا كدة لا بس ابيض فى ابيض كان يجيب كل يوم اكل لى وهيا دى القصة وفى معجزة اكبر من دى كدة ان طفلين يجلسون فى القبر وهما على قيد الحياة والله يصحوا امهم لترضع الطفل وياتى ملك كل يوم ياتى بالطعام للطفلة يا سبحان الله يا سبحان الله